US FDA, may aprobado nang gamot laban sa COVID-19

Inapubrahan na ng Food ang Drug Administration(FDA) ng US ang paggamit ng experimental antiviral drug na remdesivir bilang gamot sa mga pasyenteng may kaso ng COVID-19. 

Batay sa resulta sa isinagawang trial sa Amerika, napabibilis ng remdesivir ang paggaling ng mga pasyente mula sa COVID-19 infection. Inanunsyo ni US President Donald Trump ang ibinigay na approval ng FDA sa kumpanya – ang Gilead Sciences – na gumawa ng naturang anti-viral na gamot.

Ang nasabing gamot ay unang ginamit sa Ebola na sinasabing maaaring gamitin din sa mga pasyente na kinapitan ng coronavirus symptoms.

Photo Credit to Al Jazeera video

Sa ginawang pag-aaral sa remdesivir, ang mga pasyenteng binigyan nito ay gumaling sa loob ng labing-isang araw, samantalang ang mga pasyenteng hindi ginamitan nito ay gumaling sa loob ng 15 days. Posible rin umano na nakatulong ang anti-viral drug upang mabawasan ang bilang ng mga pasyenteng hindi nakaliligtas sa virus.

Dahil sa pag-apruba ng FDA sa nasabing gamot ay mas pinaluwagan ng ibang States sa Amerika ang patakaran ng kanilang lockdown.